Публикации » Канăçлăх, сăпайлăх концерчĕ

30 января 2010 г.

 Елчĕкри культурăпа кану центрĕнче Шупашкарти 1-мĕш номерлĕ лицейри тăваттăмĕш класра вĕренекенсен концерчĕ иртрĕ. Ахаль коллектив мар ку: вăл тĕн юррисене халăх патне çитерес тĕлĕшпе тимлет. Темиçе сасăпа юрлакан çамрăк артистсем конкурссемпе фестивальсенче те палăраççĕ. Вĕсен пултарулăхне Атăл çи федераци округĕнчи нумай хулара тăвăллăн алă çупса хакланă. Хальхинче те шартлама сивве пăхмасăр пуçтарăннă тулли зал çаплах йышăнчĕ. Вĕсемех тĕрлĕ халăх ташшипе те тыткăнларĕç куракансене. Вĕренỹре пурте аван ĕлкĕрсе пыраççĕ, шашка-шахмат турнирĕсенче те палăраççĕ иккен. Кĕскен каласан, çамрăк сцена ăстисем çынсене канăçлăх, сăпайлăх парнелеççĕ.