Публикации » Савăнăçлă уяв - чун уççи

27 января 2010 г.

 Елчĕкри культурăпа кану центрĕнче ачасен савăнăçлă уявĕ иртрĕ. Унта шкулта вĕренекенсем, вĕт-шакăр йышлăн хутшăнчĕ. Илемлĕ хĕл кунĕнче кĕçĕн классенче вĕренекенсем тĕрлĕ вăйăсенче киленчĕç, тавçăрулăхĕпе пултарулăхне кăтартса конкурссенче вăй виçрĕç. Чи малтанах центра çỹрекен ачасен ушкăнĕ Кăшарни уявĕ ячĕпе театрализациленĕ композици лартса пачĕ. Кăшарни каçĕнче ĕмĕртен юмăç ярасси йăлара пулнă. Ачасем те çав йăлана пăрахăçа кăлармарĕç. Каярахпа уява хутшăннисем Тĕп лапама тухса елкăпа сыв пуллашрĕç. Вĕсем чăрăш умĕнче вылярĕç, ташларĕç, юрларĕç.