Публикации » Йĕркене пăхăнмаççĕ

23 января 2010 г.

Кăрлач уйăхĕн 11 _17-мĕшĕсенче ШĔМĕн Елчĕк районĕнчи шалти ĕçсен пайĕн ĕçченĕсем район территорийĕнче административлă право йĕркине пăснă 94 çынна айăпланă. Çав шутран обществăлла вырăнсенче ỹсĕр çỹренĕшĕн _ 29, çул-йĕр правилисене пăхăнманшăн _ 52, суту-илỹ йĕркине пăснăшăн _ 3, административлă ытти йĕркене пăхăнманшăн 10 çынна явап тыттарнă. Раççей Федерацийĕн УК 116 статйин 1 пайĕпе килĕшỹллĕн Аслă Пăла Тимешĕнчи В. тĕлĕшĕпе уголовлă ĕç пуçарнă. Вăл амăшне хĕнеме те именмен. Йĕрке хуралĕн ĕçченĕсем "Продсервис" ООО управляющийĕ служба полномочийĕсемпе иртĕхсе усă курнă тĕслĕхе тупса палăртнă.