23 января 2010 г.
Раççей Федерацийĕн Генеральнăй прокурорĕн "Юридика сăпачĕсен, уйрăм предпринимательсен тĕлĕшĕпе планпа пăхса хăварнă патшалăх тата муниципалитет органĕсен тĕрĕслевне ирттермелли çулленхи пĕрлехи плана хатĕрлес йĕрке çинчен" 319-мĕш номерлĕ приказне пурнăçласа, Чăваш Республикин прокуратури патшалăх тата муниципалитет тĕрĕслев органĕсен предприятисемпе организацисенче тĕрĕслев ирттермелли, уйрăм предпринимательсене тĕрĕслемелли пĕрлехи плана йĕркеленĕ. Ăна хатĕрленĕ чухне тĕрĕслев органĕсенчен килнĕ сĕнỹсене тĕпе хунă. Планпа килĕшỹллĕн, федераци ĕç тăвакан органĕсен регионти управленийĕсен шайĕнчи 127 документ тăрăх, республика органĕсен шайĕнчи _ 49, муниципалитет органĕсен шайĕнчи 6 документ тăрăх тĕрĕслевсем иртĕç. Тĕрĕслевсен пĕрлехи планĕпе Раççей Федерацийĕн Генеральнăй прокуратурин сайтне кĕрсе паллашма пулать. Чăваш Республикин территорийĕнче вырнаçнă надзор органĕсен тĕрĕслевĕсен планне Чăваш Республикин прокуратурин сайтне "Планы проверок контрольно-надзорных органов на 2010 год" рубрикăпа вырнаçтарнă.