Публикации » Пĕрремĕш тапхăрта палăрнă

20 января 2010 г.

Вĕрентекен çулталăкне халалласа ирттерекен тĕп мероприятисен планĕнче республикăри шкулсенчи воспитани енĕпе ĕçлекен директорсен çумĕсен "Воспитать человека" конкурсĕ пысăк пĕлтерĕшлĕ. Вăл иртнĕ çулхи авăн уйăхĕнче пуçланнă. Çак кунсенче республикăри конкурсăн куçăмсăр турĕн çĕнтерỹçисене палăртнă. Унта Чăваш Енри 14 районти тата 4 хулари шкулсенчи 40 педагог хăйĕн ĕçне тăратнă. Пĕрремĕш тапхăрти çĕнтерỹçĕсен йышĕнче пирĕн районтан та пур. Курнавăшри пĕтĕмĕшле пĕлỹ паракан вăтам шкулти директорăн воспитани енĕпе ĕçлекен çумĕ Эльвира Ильинична Смирновăпа Кивĕ Эйпеçри пĕтĕмĕшле пĕлỹ паракан тĕп шкулăн аслă вожатăйĕ Татьяна Федоровна Сусметова çывăх вăхăтрах куçăмлă тура хутшăнса шкул тулашĕнчи ĕçсен "Эткер" центрĕнче хăйсен ĕçĕпе паллаштараççĕ.