Публикации » Сывă çын - район тĕрекĕ

26 декабря 2009 г.

Районти медицина учрежденийĕсен тĕп тивĕçĕ _ çынсен сывлăхне упрасси, вĕсене сиплесси. Шурă халатлă ĕçченсем Гиппократ тупине асра тытса чирлĕ çынна вăхăтра пулăшу пама тăрăшаççĕ. "Сывлăх" наци проекчĕпе килĕшỹллĕн ĕçлекен граждансене хушма диспансеризаци витĕр кăларас енĕпе те çанă тавăрса тăрăшатпăр. Кăçал 623 çын хăйĕн сывлăхне пур енлĕн тĕрĕслеттернĕ. Районти предприятисенче, ял хуçалăх кооперативĕсенче, уйрăм çыннăн лавккисенче ĕçлекенсем, уйрăм предпринимательсем йышлăн тухрĕç тĕрĕслев витĕр. Хушма диспансеризаци витĕр тухнă хыççăн çакна палăртма пулать: ĕçлекен халăх ытларах пилĕк ыратнипе, нерв системи сиенленнипе аптăрать. Ар органĕсен чирĕсемпе чирлекенсем те сахаллăн мар. Сывă çын _ район тĕрекĕ. Чирличчен кĕтсе тăмалла мар, çулталăкра пĕрре те пулин хамăрăн сывлăха тĕплĕн тĕрĕслеттермелле.