Публикации » Волейбол турнирне пĕтĕмлетнĕ

26 декабря 2009 г.

 "Улăп" физкультурăпа спорт комплексĕнче районти иккĕмĕш волейбол турнирне пĕтĕмлетнĕ. Чỹк уйăхĕн вĕçĕнче старт илнĕ ăмăрту "Елчĕкри сыр пĕçерекен завод" ОАО призĕсене çĕнсе илессишĕн иртнĕ. Пенси фончĕн районти уйрăмĕпе налук инспекцийĕн пĕрлештернĕ команди тата сыр пĕçерекен заводăн команди юлашки вăйăра тĕл пулнă. Вăйă çивĕч иртнĕ. Çĕнтерỹçĕ командăсене район пуçлăхĕн çумĕ _ район администрацийĕн вĕрентỹ тата çамрăксен политикин пайĕн ертỹçи Леонард Левый саламланă. "Елчĕкри сыр пĕçерекен завод" ОАО çĕнтерỹçĕсем валли призсем хатĕрленĕ. Тан мар тупăшура Пенси фончĕн районти уйрăмĕпе налук инспекцийĕн пĕрлештернĕ команди тивĕçлипе _ пĕрремĕш, "Елчĕкри сыр пĕçерекен завод" ОАОн команди _ иккĕмĕш, халăха ĕçпе тивĕçтерекен районти центрĕн "Непобедимые" команди виççĕмĕш вырăнсене йышăннă.