Публикации » Çĕнĕ çул умĕнхи турнир

23 декабря 2009 г.

Елчĕкри "Улăп" спорт комплексĕнче вĕрентỹ учрежденийĕсен хушшинчи Çĕнĕ çул умĕнхи волейбол турнирĕ иртнĕ. Юлашки çулсенче районта волейбол вăййи аталансах пырать. Арçын ачасен çеç мар, хĕр ачасен командисем те çулран-çул хутшăнсах пыраççĕ. Турнирта Елчĕк шкулĕн хĕрĕсем пĕрремĕш вырăн çĕнсе илнĕ. Иккĕмĕшпе виççĕмĕш вырăнта _ Çĕнĕ Пăвасемпе Çирĕклĕ Шăхальсем. Арçын ачасенчен чи маттуррисем _ Курнавăш шкулĕнче вĕренекенсем. Çĕнĕ Пăвасемпе Елчĕксем иккĕмĕшпе виççĕмĕш вырăнсене пайланă. Командăсем хушшинче пĕрремĕш вырăна Курнавăшсем тухнă. Çĕнĕ Пăвасем _ иккĕмĕш, Елчĕксем _ виççĕмĕш. Çĕнтерỹçĕ-командăсене дипломсемпе тата призсемпе чысланă.