Публикации » Ирĕк прависĕр хăварнă

23 декабря 2009 г.

 Эрех-сăрапа иртĕхни ырăпа вĕçленменни пирки тăтăшах калаçатпăр, çыратпăр. Çак хаяр шĕвеке пула тепĕр чух пысăках мар тавлашусем çынна сусăрлатнипе е вĕлернипе вĕçленеççĕ. Çĕнĕ Пăвари К.-сен хуçалăхĕнче те çак усал наркăмăша пула инкек пулса иртнĕ. Авăн уйăхĕн 8-мĕшĕнче каçхине 19 сехет тĕлĕнче К. хăйĕн хуçалăхĕнче тетĕшне çĕçĕпе кăкăр тĕлĕнчен виçĕ хутчен чиксе суранлатнă. Сăлтавĕ вара _ ăнсăртран пĕр-пĕринпе тавлашса кайнинче. К. çынна мăшкăлланăшăн маларах та судпа айăпланса ирĕк прависĕр юлнă пулнă, çапах та хăйшĕн татăклă пĕтĕмлетỹ тума васкаман. Суд К.-на РФ УК 111 статйин 1 пайĕпе килĕ-шỹллĕн (ятарласа теприн пурнăçĕпе сывлăхне хăрушă сиен кỹнĕшĕн) айăпланă, 3 çуллăха ирĕк прависĕр хăварнă.