Публикации » Ял çĕнелет

16 декабря 2009 г.

 Чăваш Республикин Президенчĕ Н.Федоров çак çулăн пуçламăшĕнче "Чăваш Республикинче ял тăрăхĕсенче çурт-йĕре комплекслă майпа компактлă лартас тата вĕсене тирпей-илем кĕртес енĕпе пилот проекта пурнăçласси çинчен" Указ йышăннăччĕ. Унпа килĕшỹллĕн пилот проекта хутшăнма ял тăрăхĕсене конкурс никĕсĕ çинче суйласа илнĕ. Вĕсене иккĕмĕш кварталта пĕтĕмлетнĕ. Кунта пирĕн районти Елчĕк ял тăрăхĕ те çĕнтернĕ. Проектпа Элекçей Тимешри тĕп çула асфальт сарса хытарма, ремесласен çуртне, фельдшерпа акушер пунктне юсама палăртнă. Ремесласен çуртне юсама 515,5 пин тенкĕ уйăрнă. Чылай ĕç туса ирттернĕ кунта: брусчаткăран тротуар тунă, çурта бетон ярса çирĕплетнĕ, чỹречесене, сцена урайне улăштарнă. Çĕнĕ çула ял çыннисем çĕнетнĕ çуртра кĕтсе илĕç.