12 декабря 2009 г.
Сăн ỹкерчĕкре: "Эмметево" ОООри Владимирпа Венарий Захаровсем _ иккĕмĕш сыпăкри тăвансем, Николай Карсаковпа Вячеслав Шелтуков. Вĕсен пĕр пушă вăхăт çук, арçынсем хĕллехи вăхăтра та кашни кун ĕçре. Хальхи тапхăрта тăваттăшĕ те ĕне ферминче скотник пулса тăрăшаççĕ. Сахал яваплă юлташлăх директорĕн çумĕ Августина Лапшина вĕсен пархатарлă ĕçне тивĕçлипе хаклать. _ Чи кирли, хăйсене шанса панă ĕçе пĕлсе, тỹрĕ кăмăлпа пурнăçлани, _ тет вăл. Сăн ỹкерчĕкре сулахайран иккĕмĕш тăракан Венарий Захаров темиçе ĕç тума ĕлкĕрет. Вăл Элпуç ялĕнчи бригада бригадирĕ, управляющи. Уй-хир ĕçĕсене пурнăçлама хутшăнать: ака, кĕрхи çĕртме тăвать. Кашни хутĕнчех кăтартуллă ĕçленипе палăрать. Кăçал Венарий Зинонович хăйне çирĕплетсе панă МТЗ-1221 тракторпа пурĕ 739 гектар кĕрхи çĕртме сухи туса районта пĕрремĕш вырăна тухнă. ...Ỹркенмен çыншăн яланах ĕç пур, тăрăшса, кашни кунпа хавхаланса пурăнни вара ỹсĕмсем тума пулăшать.