Публикации » Тавралăха тĕпчесе палăрнă

12 декабря 2009 г.

 Экологие вĕренекенсен пĕр ушкăнĕ республикăри наукăпа практика конференцийĕн XVI финалĕнчен лайăх кăтартусемпе таврăннă. Унта конференцийĕн заочно тапхăрĕн çĕнтерỹçисене чĕннĕ пулнă. Ачасем тĕрлĕ номинацисенче тĕпчев ĕçĕсене хỹтĕленĕ. Таяпа Энтри шкулĕнче 9-мĕш класра вĕренекен И.Шадрикова (ертỹçи В.Муллина) "Кайăк-кĕшĕксен экологийĕ" секцире иккĕмĕш вырăн йышăннă. Елчĕк шкулĕнчи 4-мĕш класри А.Осипова (А.Данилова) "Тăван тавралăхăн çамрăк тĕпчевçисем" секцире 3-мĕш вырăна тухнă. Курнавăш шкулĕнчи 6-мĕш класра вĕренекен А.Смирнова (А.Смирнова) хавхалантару призне çĕнсе илнĕ. Вĕсене пурне те дипломсем, асăнмалăх парнесем парса чыс тунă.