28 ноября 2009 г.
Амăшĕн кунне халалласа Елчĕкри культурăпа кану центрĕнче уяв иртрĕ. Фойере “Дом, где мы живем и творим” мультимедийлă презентаци, музейра ĕçлекенсем “Çемье альбомĕ”, библиотека ĕçченĕсем “Матери земли Яльчикской” выставкăсем йĕркелерĕç.
Уяв каçне Оля Романовăпа Рома Шурбин анне çинчен юрă юрласа уçрĕç. Елчĕкри халăх театрĕ “Яла таврăнсан” драма выляса кăтартрĕ.
Малалла уявра чун юратнă аннесене халалласа “Варкăш” ушкăн “Чун ăшши” уяв концерчĕ парнелерĕ.
Куракансене уяв каçĕ питĕ килĕшрĕ. Вĕсем артистсене тав сăмахĕсем каларĕç.