11 ноября 2009 г.
Шкул ачисем хушшинчи Пĕтĕм Раççейри технологи предмечĕн олимпиади муниципалитет шайĕнче иртнĕ. Унта районти шкулсенчи 99 вĕренекен хутшăннă.
Теори ыйтăвĕсене хуравлама тата тест мелĕпе йĕркеленĕ ĕçсене пурнăçлама вĕренекенсене виçĕ сехет вăхăт уйăрнă. Палăртнă вăхăт иртнĕ хыççăн жюри членĕсем çĕнтерÿçĕсене палăртнă. Тăххăрмĕш класра вĕренекен арçын ачасем хушшинче Эдуард Казаков (Кивĕ Эйпеçри шкул, ертÿçи Ф.Чермаков), вуннăмĕшсем хушшинче Александр Павлов (Елчĕк шкулĕ, ертÿçи С.Долгов), вун пĕрмĕшсем хушшинче Михаил Баранов (Елчĕк шкулĕ, ертÿçи С.Долгов), тăххăрмĕш класра вĕренекен хĕр ачасем хушшинче Румия Давлетшина (Кушкă шкулĕ, ертÿçи С.Голубева), вуннăмĕшсем хушшинче Екатерина Гордеева (Кушкă шкулĕ, ертÿçи С.Голубева), вун пĕрмĕшсем хушшинче Мальвина Мышкина (Кушкă шкулĕ, ертÿçи С.Голубева) çĕнтерÿçĕсем пулса тăнă.