24 октября 2009 г.
Юлашки вăхăтра районта армспорт та лайăх аталанса пыни палăрать. 1992 çулта çуралнă тата унран çамрăкрах атлетсем Елчĕк тăрăхĕнче кам вăйлă пулнине палăртрĕç. Кунта Елчĕкри, Курнавăшри вăтам, Кĕçĕн Таяпари, Патреккелĕнчи, Çĕнĕ Эйпеçри тĕп шкулсен командисем палăрчĕç. Хăйсен виçисенчи тупăшура çĕнтернĕ атлетсем республикăри ăмăртăва хутшăнчĕç. Шупашкар районĕнчи Апаш ялĕнчи тупăшура вăй-халне тĕрĕслерĕç. В.Федотов, Д.Изратов (Курнавăшри шкул), С.Мальков, Н.Васильев, Р.Айметов (Елчĕкри шкул) арçын ачасем хушшинче хăйсен вăйĕпе тĕлĕнтерчĕç. Хĕр ачасенчен О.Ярославлева, Т.Леонтьева (Кĕçĕн Таяпари шкул), Е.Гаврилова (Курнавăшри шкул), Е.Семенова, Е.Еремеева (Елчĕкри шкул) та командăна паха очкосем пачĕç. Районăн пĕрлештернĕ команди 3-мĕш вырăншăн пынă тупăшура Патăрьелсене пĕр очко çеç выляса ячĕ.