Публикации » Консультаци пункчĕсем уçăлнă

07 октября 2009 г.

Федерацин "Раççей юрисчĕсен пĕрлешĕвĕн" Чăваш Енри регион уйрăмĕн тата Чăваш Республикин наци библиотекин пуçарăвĕпе кăçалхи юпа уйăхĕн 1-мĕшĕнчен пуçласа республикăри 23 муниципаллă библиотекăра "Раççей юрисчĕсен пĕрлешĕвĕ" уйрăмăн халăха право пĕлĕвĕпе пулăшăвĕ паракан центрăн консультаци пункчĕсем уçăлнă. Çавна май халăхăн социаллă хỹтлĕхсĕр сийĕ унта кашни уйăхăн виççĕмĕш кĕçнерни кунĕнче 15 сехетрен пуçласа 17 сехетчен правăпа çыхăннă ыйтусем çине тỹлевсĕрех тĕрлĕ хурав илме пултарать. Елчĕкри тĕп библиотекăра уçăлнă консультаци пункчĕ халăха пĕрремĕш хут юпа уйăхĕн 15-мĕшĕнче йышăнать. Çак кун 15 сехетрен пуçласа 17 сехетчен граждансем тỹлевсĕр юридика консультацийĕпе усă курма пултараççĕ.