Публикации » Суд ĕçченĕсем ăмăртнă

30 сентября 2009 г.

Шупашкарти "Спартак" стадионра Чăваш Енри судсен системинче ĕçлекенсен çуллахи спартакиади иртнĕ. Ăна Чăваш Республикинчи судьясен канашĕ йĕркеленĕ. Спартакиадăна Чăваш Республикинчи Аслă судăн, Арбитраж сучĕн, Суд департаменчĕн управленийĕн, çавăн пекех республикăри 17 судăн коллективĕсем хутшăннă. Спортăн тĕрлĕ тĕсĕсенче вăй виçнĕ вĕсем: канат туртасси, чупасси, волейболла вылясси тата ытти те. 40 çултан пуçласа 50 çула çитичченхи арçынсем хушшинче тупăшнă А.Филиппов судья 100 метрлă дистанцире пĕрремĕш, 800 метрлă дистанцире виççĕмĕш вырăна йышăнма пултарнă. А.Викторов судья вара 100 метрлă дистанцире финиша иккĕмĕш çитнĕ. Волейбол турнирĕнче Елчĕксен команди ăнăçлă ăмăртнă. Спартакиада итогĕсене пĕтĕмлетнĕ хыççăн Елчĕк район сучĕн команди 5-мĕш вырăна тивĕçни паллă пулнă.