Публикации » Ăсталăхĕпе палăраççĕ

30 сентября 2009 г.

Йăлана кĕнĕ тăрăх, кĕркунне пĕтĕмĕшле пĕлỹ паракан вăтам шкулсенче вĕренекенсем футболла выляса "Çамрăклăх" кубокшăн кĕрешĕве тухаççĕ. Авăн уйăхĕн 23-мĕшĕнче 7 команда вăйлине палăртма пухăнчĕ. 2 ушкăна пайланса вылярĕç çамрăк футболистсем. Тĕп вăйăсем Елчĕкри тĕп стадионта иртрĕç. 3-4-мĕш вырăнсемшĕн Лаш Таяпари тата Аслă Елчĕкри пĕтĕмĕшле пĕлỹ паракан вăтам шкулсенчи командăсем кĕрешрĕç. Ăнăçу _ Лаш Таяпасем енче. "Çамрăклăх" кубока çĕнсе илессишĕн хăйсен ушкăнĕсенче çĕнтернĕ Елчĕксемпе Курнавăшсем футбол уйне тухрĕç. Кĕрешỹ çивĕч иртрĕ. Çапах та ăнăçу Елчĕксем енче пулчĕ: пĕрремĕш таймра А.Федоров, иккĕмĕш таймăн юлашки минутĕнче А.Николаев Курнавăшсен хапхине пĕрер мечĕк кĕртме пултарчĕç _ 2:0. Çĕнтерỹçĕсем _ Елчĕксем. Çамрăк футболистсенчен йĕркеленĕ пĕрлештернĕ команда шкул ачисен Чăваш Республикинчи спартакиадине хутшăнать, Канашри зонăри ăмăртура вылять.