30 сентября 2009 г.
Ыр кăмăллăх вунă кунлăхне халалласа Елчĕкри шкулта пуçламăш классене çỹрекенсемпе "Эпир хамăрăн асаннепе тата асаттепе _ чи çывăх туссем" пысăк мероприяти йĕркеленĕ. Ачасем уява асламăшĕсемпе аслашшĕсене, кукамăшсемпе кукашшĕсене чĕннĕ. Вĕсене хăйсем ăсталанă парнесем панă, "Эпир сире юрататпăр" ỹкерчĕксен конкурсне йĕркеленĕ, юрă-ташăсемпе савăнтарнă тата ытти те. Л.Кузнецова, И.Идутова, Т.Васильева, Л.Маркова, Д.Кудряшова, Т.Михайлова, В.Молоствова, А.Данилова учительницăсем ачасене чăваш халăх йăли-йĕркисене сыхласа хăварас, Тăван çĕршывпа, тăван халăхпа мăнаçланас туйăмсене аталантарас тĕлĕшпе тăрăшса ĕçлеççĕ.