Публикации » "Хĕлхем" ĕçлеме вăй-хал парать

19 августа 2009 г.

Районти ял тăрăхĕсенчи культура ĕçченĕсенчен йĕркеленĕ агитбригадăсем кăçал тыр-пул пуçтарса кĕртекенсене хаваслă юрă-кĕвĕпе савăнтараççĕ. Курнавăшри информаципе культура центрĕ çумĕнчи "Хĕлхем" агитбригада та ял тăрăхне кĕрекен хуçалăхсене тухса çỹрет. Çак кунсенче коллектив "Нива" агрофирма" ОООри йĕтем çинче пулчĕ. Кăнтăрлахи апат вăхăтĕнче рабочисем хаçат-журналпа, çĕнĕ кĕнекесемпе паллашрĕç, вырăнти артистсен пултарулăхне курса савăнчĕç. Программăра вокал юррисем те, шỹтсем те пулчĕç. Концерт вĕçĕнче йĕтемре ĕçлекенсем те чăтса тăраймарĕç, художество пултарулăх ĕçченĕсемпе пĕрле ташша тухрĕç.