Публикации » Пиччĕшне вĕлернĕ

05 августа 2009 г.

Эрех-сăрапа иртĕхни нихăçан та ырăпа вĕçленмест. 2009 çулхи çĕртме уйăхĕн 13-мĕшĕнче ирпе икĕ сехетре Хăвăл-çырма ялĕнчи Евдокимовсен килĕнче çак наркăмăша пула хăрушă ĕç пулса иртнĕ. Эрех ĕçсе минренĕ А.Евдокимовăпа унăн пиччĕшĕ С.Петров хирĕçсе кайнă. Харкашу вăхăтĕнче вĕлерес тĕллевпе А.Евдокимова аллине çĕçĕ тытнă, унпа пиччĕшне темиçе тĕлтен чикнĕ. Йывăр суранланнă С.Петров Елчĕкри тĕп больницăри реанимаци уйрăмĕнче пурнăçран уйрăлнă. А.Евдокимова РФ УК 105 статйин 1 пайĕпе (çынна ятарласа вĕлернĕ) килĕшỹллĕн айăпланать. Çакăн евĕр преступленишĕн ăна 15 çуллăха тĕрмене хупса лартма пултараççĕ.