Публикации » Культура министрĕ Патреккелте

08 августа 2009 г.

 Чăваш Республикинчи культура, национальноçсен ĕçĕсен, информаци политикин тата архив ĕçĕн министрĕ Роза Лизакова пирĕн районта пулнă. Район пуçлăхĕпе Николай Миллинпа вăл Патреккелĕнчи культура çуртне çитсе курнă, ăна çĕнетсе улăштарас ĕç мĕнле пынипе паллашнă. 1967 çулта туса лартнă культура çурчĕ чăннипе ял çыннисен кану вырăнĕ шутланать. Çакна ялта пурăнакансем çемйи-çем-йипе творчество коллективĕсен ĕçне хутшăнни те çирĕплетет. Культура çуртĕнче юсав ĕçĕсем вĕçленсе пыраççĕ. Халĕ кунта территорие тирпей-илем кĕртеççĕ. Çĕнетнĕ, çĕнĕ оборудованипе пуянланнă культура керменне çурла уйăхĕн 28-мĕшĕнче уçаççĕ.