25 июля 2009 г.
Ялта пурăнакансем пурте ỹркенмесĕр çĕр ĕçĕпе тăрмашаççĕ. Анчах тепĕр çыннăн ĕçĕ расна тирпейлĕрех, çаврăнăçуллăрах пулса пырать. Манăн сăмах шăпах çакăн пек çемье çинчен пырать. Ĕнелĕнчи Зинаида Александровнăпа Аркадий Емельянович Филатовсем, иккĕшĕ те сакăр теçетке çула вакласа пыраканскерсем, хăйсен çулĕсене кура мар, пахчара ĕçлеме юратаççĕ. Мĕн тĕрлĕ чечек çук-ши вĕсен пахчинче? Хĕрли, шурри, сарри... пĕри тепринчен хитререх. Кунта шырасан та пĕр пĕрчĕ çум курăк тупаймастăн пулĕ, пахчара тап-таса. Пỹртре те нумай чечек çитĕнтерет кил хуçи хĕрарăмĕ. Хальхи вăхăтра Зина аппапа Аркадий пичче килте иккĕшĕ анчах пурăнаççĕ. Вĕсем ултă ача пăхса ỹстернĕ, пурнăç çулĕ çине кăларнă. Ачисем учитель, медицина сестри, фармацевт, механик специальноçĕсене алла илнĕ, пурте çемьеллĕ, кỹршĕ ялта, аякри хуласенче пурăнаççĕ. Ачисемпе мăнукĕсем аслашшĕпе асламăшĕ, кукашшĕпе кукамăшĕ патне час-часах килсе çỹреççĕ, тĕрлĕ ĕç тума пулăшаççĕ. Ялти сумлă çемье 4 çул каялла Шупашкарта иртнĕ "Телейлĕ мăшăр" конкурса хутшăнма та тивĕç пулнăччĕ.