Публикации » Çул çитменнисем преступлени туман

22 июля 2009 г.

 Иртнĕ çулхи 6 уйăхра районта çул çитменнисем тунă 5 преступлени регистрациленĕ пулсан, кăçалхи çур çулта çакăн евĕр пĕр преступлени те пулманнине пĕлтерме кăмăллă. ШĔМĕн Елчĕк районĕнчи шалти ĕçсен пайĕн çул çитменнисемпе ĕçлекен подразделени инспекторĕсем пĕлтернĕ тăрăх, çакăн тĕп сăлтавĕ _ профилактика ĕçне вăйлатнинче. С.Шашковăпа Л.Егорова инспекторсем çур çулта тĕрлĕ шкулсемпе ача сачĕсенче пулса çитĕнекен ăру умĕнче 98 лекци-калаçу ирттернĕ. Ăнăçлах мар çемьесенче пулнă май ашшĕ-амăшĕн тивĕçне кирлĕ пек пурнăçламаншăн 44 ашшĕ-амăшне РФ КоАП 5.35 статйипе айăпланă ( иртнĕ çул çак сăлтавпа 36 ашшĕ-амăшне явап тыттарнă). Паянхи кун шалти ĕçсен пайĕн профилактика учетĕнче 17 çул çитмен çамрăк тăрать (пĕлтĕр _ 28).