Публикации » Çамрăк филологсен чемпионачĕ

01 июля 2009 г.

Пермь хулинче дистанци мелĕпе Пĕтĕм Раççейри çамрăк филологсен чемпионачĕ иртнĕ. Унта пирĕн районтан та 104 вĕренекен хутшăннă. Çĕнтерỹçĕсене Раççей Федерацийĕн, регион тата район шайĕсенче палăртнă. Таяпа Энтринчи пĕтĕмĕшле пĕлỹ паракан тĕп шкулти 9-мĕш класра вĕренекен Анастасия Чуманова 98 балл пухса Раççейре çĕнтерỹçĕсен шутне кĕнĕ. Ăна Диплом, приз, медаль парса чысланă. 8-мĕш класра вĕренекен Инна Шадрикова 93 балл пухнă, республика шайĕнче мала тухнă. Вăл та Дипломпа парнене тивĕçнĕ. Çĕнтерỹçĕсене чемпионата вырăс чĕлхипе литературине вĕрентекен пĕрремĕш категориллĕ учитель Татьяна Васильева хатĕрленĕ.