Публикации » Пенси ыйтăвĕ шухăшлаттарать

27 июня 2009 г.

 Регионсем хушшинчи "Регионсем _ чикĕсĕр çыхăнусем" XVI куравĕн, Çĕр ĕçченĕн çулталăкĕн шайĕнче Раççей Пенси фончĕн Чăваш Республикинчи уйрăмĕ районсенчи массăллă информаци хатĕрĕсен ĕçченĕсемпе "Ял ĕçченĕсене _ пенси" темăпа аудиконференци ирттернĕ. Раççей Федерацийĕн Пенси фончĕн Чăваш Республикинчи уйрăмĕн управляющийĕ Р.А.Кондратьева тĕрлĕ ыйтусем çине хуравланă. Пенси виçисен шайĕ ỹсессипе, соцпакета хирĕçлессипе, ĕçлемен пенсионерсене тĕллевлĕ пулăшу парассипе, хресчен (фермер) хуçалăхĕсенче ĕçлекенсене тивĕçлĕ пенсипе тивĕçтермелли майсемпе, пенсин пухăнакан пайне еткерлĕхе парассипе, амăшĕн капиталĕпе çурт-йĕр кредитне тỹлессипе çыхăннă тата ытти хумхантаракан ыйтусем аудиконференцире тĕп вырăн йышăннă.