Публикации » Ыр кăмăллăх уйăхлăхĕ

24 июня 2009 г.

Ачасем _ пирĕн пуласлăх. Вĕсен сывлăхĕшĕн тата пурнăçĕшĕн тăрăшасси, тивĕçлĕ воспитани парасси, тавра курăмне аталантарасси _ ашшĕ-амăшĕн тивĕçĕ. Анчах та чылайăшĕ çакна ăнланасшăн та мар. Хаяр шĕвекпе туслашнă, ниçта та ĕçлемен ашшĕ-амăшне ача шăпи пĕрре те интереслентермест. Çавăн пек ăнăçсăр çемьесенче çитĕнекен ним айăпсăр ачасем хĕн-хур кураççĕ, тĕрлĕ сăлтава пула ыттисемпе тан çитĕнеймеççĕ. Халăхăн социаллă ыйтăвĕсене тивĕçтерекен центр утă уйăхĕн 1-мĕшĕнчен пуçласа çурла уйăхĕн 1-мĕшĕччен ыр кăмăллăх уйăхлăхĕ ирттерет. Ыр кăмăллăхăн тĕп тĕллевĕ _ халăхран ача-пăча тумтирĕ, атă-пушмак, кĕнекесем пуçтарса нушаллă çемьесене пулăшасси. Пулăшма кăмăл тăвакансене Елчĕкри Пушкин тăкăрлăкĕнчи 8-мĕш çуртра хапăл туса кĕтетпĕр. Ырă çынсем çакăн пек çемьесене пулăшасса шанатпăр.