Публикации » Ĕçлес килет

10 июня 2009 г.

 "Ĕçлес килет" республикăри акци пырать. Елчĕк районĕнчи халăха ĕçпе тивĕçтерекен центра 8-10-мĕш классенче вĕренекенсем, каникул вăхăтĕнче ĕçлес кăмăллă çамрăксем консультаци илме пуçтарăннă. Вĕсене тĕрлĕ ыйту кăсăклантарнă: миçе çултан ĕçлеме юрать, çул çитмен граждансен ĕç вăхăчĕ миçе сехет, ĕçе кĕнĕ чухне мĕнле документсем тăратмалла, ĕç укçин калăпăшĕ тата ытти те. Центр работникĕсем вĕсен ыйтăвĕсене тĕплĕн хуравланă. Ачасем каникул вăхăтĕнче ĕçлеме кăмăл тунине ырламалла çеç. Вĕсем çамрăклах ĕç мĕнне, укçа хакне туйса ỹсеççĕ. Ĕçлĕ çамрăксем хушшинче ашкăнса çỹрекенсем, право йĕркине пăсакансем те сахал.