26 мая 2009 г.
Çу уйăхĕн 17-мĕшĕнче Чăваш Енре хĕрес йăтса утасси пуçланнă. Ăна Кирилл тата Мефодий святой апостолсене асăнса йĕркеленĕ. Хĕрес йăтса утасси Етĕрне, Çĕмĕрле, Улатăр, Канаш, Куславкка, Çĕнĕ Шупашкар хулисем, Хĕрлĕ Чутай, Шăмăршă, Патăрьел районĕсем витĕр иртнĕ. Юн кун Турра ĕненекенсем Елчĕке çитнĕ. Александр Невский ячĕллĕ чиркỹре кĕлĕ иртнĕ. Хĕрес йăтса утассине Муркаш районĕнчи Çатракасси чиркĕвĕн настоятелĕ Вячеслав Петров ертсе пырать. Ыран Хĕрес йăтса утакансем республикăн тĕп хулине çитеççĕ. Унта хулари хĕрес йăтса утакансемпе пĕрлешеççĕ. Хĕрес йăтса утни вĕçленнĕ май Христос чĕрĕлсе тăни храм-часавай умĕнче савăнăçлă кĕлĕ пулать.