Публикации » Ăрусен тĕл пулăвĕ

13 мая 2009 г.

Яманчỹрелти культура çуртĕнче "Ăрусен тĕл пулăвĕ" тематика каçĕ иртнĕ. Унта ĕç ветеранĕсене йыхравланă. И.Ермакова библиотекарь "Нихăçан та манăçмĕç вăрçă çулĕсем" ятпа калаçу ирттернĕ. Тыл ветеранĕсем хаяр вăрçă çулĕсене аса илнĕ. "Эткер" фольклор ансамбльне çỹрекен Акулина Ермолаева ачасене вăрçă çулĕсене аса илсе каласа панă. Пилĕк пĕр тăван ашшĕсĕр ỹснĕ. Акулина çемьере чи асли пулнă. Таисия Карсакова та маларах асăннă ансамбле çỹрет. Вăрçа пула вăл малалла вĕренеймен. Ветерансем çавра сĕтел хушшинче чей ĕçнĕ май илемлĕ те чуна пырса тивекен юрăсем юрланă, нихăçан та вăрçă ан пултăр тесе çамрăксене пилленĕ.