Публикации » Сусăр ачасене пулăшса

06 мая 2009 г.

Сусăр ачасене шкул пĕтернĕ хыççăн малалла вĕренмешкĕн патшалăх паян çителĕклĕ условисем туса парать. Алла специальность илме кăмăлĕ пулсассăн Новочеркасск хулинчи технологи техникумĕ хапăл туса кĕтсе илет. Техникума 1, 2, 3 ушкăнри инвалидсене вĕренме йышăнаççĕ. Унта çĕвĕ изделийĕн технологийĕ, сăран изделийĕсен технологийĕ тата шутлав техникин тата автоматизациленĕ системăсен программа тивĕçтерĕвĕ специальноçĕсене вĕрентеççĕ. 9 класс пĕтернĕ хыççăн 3 çул та 10 уйăх, 11 класс пĕтернĕ хыççăн 2 çул та 10 уйăх вĕренмелле. Куçăмлă (очно) майпа вĕрентеççĕ. Документсене утă (июль) уйăхĕн 31-мĕшĕччен йышăнаççĕ. Вĕрентни, апат çитерни, общежитинче пурăнтарни йăлтах тỹлевсĕр пулĕ. Тĕплĕнрех 2-50-11 номерлĕ телефонпа шăнкăравласа пĕлме пултаратăр.