Публикации » "Парксен маршĕ" старта тухрĕ

22 апреля 2009 г.

 Раççей Федерацийĕн Правительствин постановленийĕпе килĕшỹллĕн ака уйăхĕн 15-мĕшĕнчен пуçласа çĕртме уйăхĕн 5-мĕшĕччен экологи хăрушсăрлăхĕн сыхлавĕн Пĕтĕм Раççейри кунĕсем иртеççĕ. Çак тĕллевпе "Парксен маршĕ" девизпа акци иртет. Çут çанталăка упрас енĕпе районта тĕрлĕрен мероприятисем йĕркелетпĕр. Çу уйăхĕнче кашни ялтах таса урамсен кунĕ ирттерме палăртнă. Ака уйăхĕн 27-мĕшĕнче Елчĕкри Ырсамай паркне тасатассипе "Парка хỹтĕлер" акцие ял-йыш йышлăн хутшăнасса шанатпăр. Çу уйăхĕн 20-мĕшĕнче Юбилей урамĕнчи паркра тирпей-илем кĕртме планланă. Маларах палăртнă мероприятисене хутшăнса районти библиотекăсенче тĕрлĕрен выставкăсемпе паллашма пулĕ. Вĕрентỹ учрежденийĕсенче икĕ уйăх тăршшĕпех экологи ыйтăвĕсемпе калаçусем, диспутсем иртĕç. Çавăн пекех шкул ачисем çут çанталăка сыхлас темăпа сочиненисем çырĕç. Йывăç лартмалли акцие те районта пурăнакансем активлă хутшăнасса шанатпăр.