Публикации » Республикăра паллă ăста

22 апреля 2009 г.

 Патреккелĕнчи З.Блинов алă ĕçне ăста пулнипе тахçанах палăрнă пирĕн тăрăхра. Зинон Полиевтович хăваран çыхнă тĕрлĕ савăт-сапаран, сувенирсенчен çĕршер çын тĕлĕннĕ. Ылтăн алăллă ăста кăткăс ĕçре çыпăçуллă та çаврăнăçуллă пулни сисĕнет. Хăйĕн ăсталăх вăрлăхне чылай çамрăк чунне хывма пултарчĕ вăл. Вăхăтĕнче З.Блинов ертсе пыракан кружок членĕсем хăваран çыхса нумай-нумай япала ăсталанă, чылайăшне çывăх çынсене парнеленĕ. Пуш уйăхĕнче Шупашкарта Чăваш Республикин халăх пултарулăх çуртĕнче хăвапа ĕçлекен ăстасен ĕçĕсен куравне йĕркелерĕç. Унта З.Блиновăн 7 ĕçне лайăххисем тесе палăртнă, Зинон Полиевтовича Тав çырăвĕ парса чысланă.