Публикации » "Театр тĕнчинче"

22 апреля 2009 г.

Елчĕк районĕнче "Театр тĕнчинче" ятпа йĕркеленнĕ драма коллективĕсен фестивалĕн 1-мĕш тапхăрĕ вĕçленнĕ. Н.Айзман пьеси тăрăх Шуршусем хатĕрленĕ "Шикли шикленнĕ", Чăваш Тăрăмĕсен "Элекçи Элекçейĕ", Аслă Таяпасен В.Петров камитне тĕпе хурса хатĕрленĕ "Аншарли мыскари", Кĕçĕн Таяпасен "Салтакăн та чĕри чул мар", Тĕмерсен Е.Никитин пьесипе йĕркеленĕ "Хĕвел ансан Хĕветĕр" спектаклĕсем куракансене тыткăнланă. Кунта Кĕçĕн Таяпари ача-пăча коллективне те ырăпа палăртмалла. Вăл хатĕрленĕ "Тилĕпе кашкăр" юмаха куракансем кăмăлланă. Ака уйăхĕн 30-мĕшĕнче фестивалĕн 2-мĕш тапхăрĕ иртет. Унта ял тăрăхĕсенче палăрнă чи лайăх коллективсем тупăшĕç.