Публикации » Ĕç-хĕле пĕтĕмлетнĕ

22 апреля 2009 г.

 Ака уйăхĕнче Елчĕк районĕнче право йĕркине пăсассине профилактикăлакан комиссин черетлĕ ларăвĕ иртнĕ. Район пуçлăхĕн çумĕ, райадминистрацин вĕрентỹпе çамрăксен политикин пайĕн ертỹçи Л.Левый асăннă комиссин 2008 çулхи ĕç-хĕлне пĕтĕмлетнĕ, 2009 çулхи тĕллевсем çинче чарăнса тăнă. Пĕлтĕр комисси 4 лару йĕркеленĕ, çав шутран 2 ларăвĕ Курнавăшпа Аслă Таяпа ял тăрăхĕсенче иртнĕ. Палăртнă тапхăрта ял тăрăхĕсенче ĕçлекен профилактика канашĕсен членĕсем пурĕ 99 лару ирттерсе тỹрĕ çул çинчен пăрăннă 382 çынпа куçа-куçăн калаçнă. Тирпей-илем йĕркине пăхăнманшăн 133 çынна административлă майпа явап тыттарнă.