Публикации » "Тĕллеве çывхартатпăр" тренинг

04 апреля 2009 г.

Тĕнчери финанс кризисĕ ĕç рынокĕнчи лару-тăрăва нумай çивĕчлетрĕ. Хальхи тапхăрта чылайăшĕ яланлăх мар, вăхăтлăх ĕç вырăнĕ те тупаймасть. Хĕрарăмсене çак вăхăтра уйрăмах йывăр. Ĕçсĕррисен списокĕнче вĕсен йышĕ пысăк. Йывăр лару-тăрура çынсене май пур таран пулăшас тĕллевпе халăха ĕçпе тивĕçтерекен районти центр "Аспект" вĕрентỹ центрĕпе маларахах килĕшỹ йĕркеленĕччĕ. Унти Н.Григорьева психолог иртнĕ кунсенче Елчĕкре пулса "Тĕллеве çывхартатпăр" икĕ кунлăх тренинг йĕркелерĕ. Елчĕкри тĕп библиотекăра иртнĕ тĕл пулăва ĕçсĕр тăрса юлнă 10 хĕрарăм хутшăнчĕ. Мероприятин тĕп тĕллевĕ йывăр вăхăтра та ĕç шыраса тупма, палăртнă тĕллеве пурнăçлас тесен усă курмалли майсене вĕрентесси пулчĕ. Тренинг вăхăтĕнче ĕç шыракан 2 инвалида консультаци панă.