Публикации » Йĕпреçсем клубсемпе паллашнă

14 марта 2009 г.

 Виçĕм кун Йĕпреç район пуçлăхĕ Анатолий Петров ертсе пыракан делегаци пирĕн районта пулчĕ. Хăнасен тĕп тĕллевĕ _ нумаях пулмасть уçăлнă тĕслĕх клубĕсемпе тата ытти паха опытпа паллашасси. Вĕсене район пуçлăхĕ Николай Миллин кĕтсе илнĕ. Çĕнелсе илемленнĕ культурăпа кану центрĕнчи çавра сĕтел хушшинчи калаçура ытларах ялти культура учрежденийĕсене модернизацилессине сỹтсе явнă. Унтан хăнасем культурăпа кану центрĕн çĕнелнĕ залĕсемпе, ЗАГС пайĕпе, тĕп библиотекăпа паллашнă. Йĕпреçсем Курнавăш шкулĕнчи историпе тăван тавралăх музейĕнче пулнă, унтан Н.Федоров Президент уçма килнĕ ялти информаципе культура центрĕпе паллашнă.