Публикации » Раççей рекордне çĕнетнĕ

04 марта 2009 г.

 Елчĕк ен тăрăхне савăнăçлă хыпар çитрĕ: Кавал ялĕнче çуралса çитĕннĕ Сергей Соловьев Тюмень облаçĕнчи Заводуковск хулинчи ăмăртура Раççей рекордне çĕнетнĕ. Вăл 32 килограмлă 2 кире пуканне 45 хут кăкăр çине хурса тĕртме пултарнă. Çакă пире, ентешсене, савăнтарать, хавхалантарать. Чулхула облаçĕнчи Кстово хулинчи çар училищинче пĕлỹ пухакан 18 çулхи çамрăк Сергей Соловьев икĕ енлĕ ăмăртура та палăрнă. Вăл Раççейри аслă юниорсен хушшинчи ăмăртура виççĕмĕш вырăн йышăннă. Икĕ пăтлă кире пуканне кăкăр çинчен 81 хут, сулласа 39,5 хут йăтнă, Раççей спорт мастерĕн нормативне пурнăçланă.