Публикации » Елчĕксем _ чемпионсем

04 марта 2009 г.

Чулхулара ял хуçалăхăн аслă вĕренỹ заведенийĕсенче вĕренекенсен зонăри ăмăртăвĕнче пирĕн районтан тухнă кире пуканĕ йăтакансем палăрнă. 70 килограмлă атлетсенчен В.Семенов (Кĕçĕн Таяпа каччи), 75 килограмлă виçере Д.Семенов (Çĕнĕ Пăваран), 90 килограмлă спортсменсенчен О.Николаев (Ĕнелĕнчен) чемпион ятне çĕнсе илнĕ. Çак ăмăртура Олег спорт мастерĕн кандидачĕн нормативне пурнăçланă. Хĕр ачасем те хăйсен пултарулăхĕпе савăнтарнă. Хальхи вăхăтра Чăваш ял хуçалăх академийĕнче пĕлỹ пухакан Е.Козлова (Кĕçĕн Таяпара çуралса ỹснĕ), О.Маликова (Хăвăлçырмаран) та хăйсен виçисенче пĕрремĕш вырăна тухнă. Маларах спортсменсем хăйсен ăсталăхне О.Федоров тренер-преподаватель патĕнче туптанă.