Публикации » Хаксем тĕрлĕрен

28 февраля 2009 г.

Кỹршĕллĕ регионсемпе танлаштарсан, Чăваш Республикинче бензин чылай хаклăрах. Мĕншĕн çапла? О.ПАВЛОВ. Ыйту çине район администрацийĕн экономикăпа пурлăх хутшăнăвĕсен пайĕн ертỹçи Л.Г.Дмитриева хуравлать: Республикăри потребитель рынокĕнчи бензин хакĕ производительсем палăртакан хаксенчен килет. Хаксем çине тĕрлĕ фактор витĕм кỹрет: нефть тирпейлекен заводсене нефтьпе тивĕçтерсе тăнин тăнăçлăхĕ, производство тата туянакан нефть продукчĕсен калăпăшĕ, налуксем, таможня тарифĕсем, транспортировка. Чăваш Енри вак рынокри бензин хакĕн йĕркелĕвĕ тĕпрен илсен транспортировкăпа çыхăннă тăкаксенчен нумай килет. Республика территорийĕнче нефть тирпейлекен предприятисем çук. Чулхула облаçĕнче, Тутарстанра _ пур. Хаксен уйрăмлăхĕ çакăнпа та çыхăннă.