Публикации » Культура министрĕ _ пирĕн районта

14 февраля 2009 г.

Чăваш Республикин Президенчĕн Николай Федоровăн "Чăваш Республикинчи ялти культура учрежденийĕсене аталантарас енĕпе пурнăçламалли мерăсем çинчен" Указне пурнăçласа Елчĕкри культурăпа кану тата Курнавăшри информаципе культура центрĕсене çĕнетес ĕç вĕçленсе пырать. Юсав ĕçĕсемпе паллашас тĕллевпе асăннă центрсенче нарăсăн 12-мĕшĕнче Чăваш Республикин культура, национальноçсен ĕçĕсен, информаци политикин тата архив ĕçĕн министрĕ Роза Лизакова пулчĕ. Район пуçлăхĕпе Н.Миллинпа тата райадминистрацин социаллă аталану секторĕн заведующийĕпе А.Александровăпа тĕл пулнă май министр çĕнелнĕ культура керменĕсене çывăх вăхăтра уçас ыйтăва çĕклерĕ, çак пĕлтерĕшлĕ мероприятин сценари планне тишкерчĕ. Роза Лизакова çавăн пекех ЗАГС пайĕн тата Елчĕкри тĕп библиотекăн ĕçченĕсемпе те курнăçрĕ.