Публикации » Виçе ỹсет

11 февраля 2009 г.

Федерацин 2008 çулхи раштавăн 22-мĕшĕнчи "Граждансен уйрăм категорийĕн пурлăх шайне ỹстерес тĕллевпе Раççей Федерацийĕн хăш-пĕр саккун акчĕсене улшăнусем кĕртесси çинчен" 269-мĕш саккунĕпе килĕшỹллĕн мĕн пур ĕç пенсийĕсен _ ватлăхпа, инвалидлăхпа, тăрантарса пурăнакана çухатнипе параканнисен _ база пайне ỹстерме палăртнă: кăçалхи пуш уйăхĕн 1-мĕшĕнчен ватлăхри ĕç пенсийĕн асăннă пайĕ _ 1950 тенке, раштавăн 1-мĕшĕнчен 2460 тенке çитет. 80 çул тултарнă ватăсен е ĕçлеме пултараслăха III степень таран çухатнă инвалидсен пенсийĕн база пайĕ кăçалхи пуш уйăхĕн 1-мĕшĕнчен уйăхсерен _ 3900, раштавăн 1-мĕшĕнчен 4920 тенкĕ пулать. Икĕ пенси илме ирĕк пур граждансен икĕ пенсийĕ те ỹсет. Унсăр пуçне 2009 çулхи пуш уйăхĕн 1-мĕшĕнчен ĕç пенсийĕн база пайĕн виçипе процентлă шайлашупа палăртакан виçеллĕ пенсисемпе укçа тỹлевĕсене те ỹстереççĕ.