Публикации » Çуралакансем сахал, вилекенсем нумай

21 января 2009 г.

Иртнĕ çулхи итогсем савăнтармаççĕ ЗАГС пайĕн ĕçченĕсене. Çулсем иртнĕçемĕн туй тăвакансен, çуралакансен йышĕ пĕчĕкленни, вилекенсен йышĕ ỹсни пăшăрхантарать вĕсене. 2008 çулта районта 208 ача çуралнă, 400 çын вилнĕ, 149 мăшăр пĕрлешнĕ, 43 çемье уйрăлнă. Паянхи кун тĕлне вара районта 4 ывăлпа 1 хĕр ача кун çути курнă. Кашни эрнерех икшер мăшăр çемье регистрациленине çирĕплетет. "Нарăс уйăхĕнче пĕрлешекенсем йышлă. Мăн кун типпине кĕриччен кашни эрнерех 6-7 мăшăр туй тума палăртаççĕ, _ пĕлтерет ЗАГС пайĕн тĕп специалисчĕ Н.Баймушкина. _ Кăçал кăтартусем ырă енне улшăнасса шанатпăр".