17 января 2009 г.
Чăваш журналистикинчи ырă пулăм _ Чăваш пичечĕн кунне палăртма пуçлани кăçал тăххăрмĕш çул. Питĕ кирлĕ уяв вăл хаçат ĕçченĕсемшĕн, вулакансемшĕн. Эпир район хаçатне юратса вулатпăр. Унти журналистсем çырнă кашни статьяна, информацие "шĕкĕлчетпĕр". Ватăлсан та район хыпарĕнчен тăрса юлас килмест. Район хаçачĕ çулсерен содержани енĕпе илемленсе, пуянланса пыни куç умĕнче. Иртнĕ çул, акă, "Вĕрентỹ", "Культура", "Вырăнти хăй тытăмлăх" çĕнĕ страницăсем кун çути курчĕç. Кăçал та çĕнĕлĕхсем пулаççĕ пулĕ-ха. Самана пĕр вырăнта тăмасть вĕт. Юратса вулатпăр ăна эпир. Ыт ахальтен мар "Елчĕк ене" çырăнса илекенсем çулсерен нумайланса пыраççĕ. Çакă мана савăнтарать. Уяв ячĕпе саламлатпăр сире, хаклă туссем!