24 декабря 2008 г.
Комсомольски районĕнчи Асанкассинче Совет Союзĕн Паттăрне Ф.Н.Чернова асăнса ирĕклĕ майпа кĕрешекенсен республикăри турнирĕ иртнĕ. Унта 8 командăран Елчĕксем виççĕмĕш вырăн йышăннă. 38 кг виçери спортсменсенчен Э.Адюков (Аслă Елчĕк) палăрнă. Вăл _ чемпион. Кушкăри Э.Дергунов (63 кг), Г.Жуков (69 кг) _ иккĕмĕш, Кушкăри А.Дмитриев (46 кг) тата Аслă Елчĕкри А.Печков (54 кг) _ виççĕмĕш вырăнсенче. Елчĕкри Спорт çуртĕнче 1993 çулта çуралнă тата çамрăкрах баскетболистсен ăмăртăвĕ пулнă. Арçын ачасен _ 9, хĕр ачасен 6 команди тупăшнă. Арçын ачасенчен Аслă Елчĕкри, Елчĕкри, Энтепери, хĕр ачасенчен Аслă Елчĕкри, Елчĕкри (2 команда) шкулсен командисем палăрнă. Волейболисткăсен Çĕнĕ çул умĕнхи турнирне 6 команда хутшăннă. Виççĕмĕш вырăншăн пынă тупăшура Çирĕклĕ Шăхалĕнчи вăтам шкул команди Лаш Таяпасенчен 2:0 шутпа выляса илнĕ. Финалта Çĕнĕ Пăвасемпе Елчĕксем тĕл пулнă. Кунта Çĕнĕ Пăвари вăтам шкул команди ăнăçлă ăмăртнă. Вăл _ çĕнтерỹçĕ. Чăваш Ен Президенчĕн Н.Федоровăн кубокĕшĕн пыракан шкул ачисен спартакиадинче кире пуканĕ йăтакансен зонăри ăмăртăвĕнче 4 районăн _ Елчĕксен, Комсомольскисен, Шăмăршăсен, Красноармейскисен командисем тĕл пулнă. Кунта Елчĕксем мала тухнă. Вĕсем çитес çулхи кăрлач уйăхĕнчи финалти ăмăртусене хутшăнаççĕ. Иккĕмĕшпе виççĕмĕш вырăнсенче _ Комсомольски тата Шăмăршă районĕсен командисем.