Публикации » Ырă ĕçрен пăрăнар мар

20 декабря 2008 г.

Раççей Федерацийĕн Сывлăх сыхлавĕн тата социаллă аталану министерствипе федерацин медицинăпа биологи агентствин 2008-2012 çулсенче Юн службине аталантарас программи ĕçе кĕме пуçланине пĕлетпĕр-ха. Ахальтен мар çакă. Кашни кунах Чăваш Енри больницăсене куллен 45 литр юн кирлĕ. Куллен 110 донор юн памалла. Чăваш Енре паян 1 пин çын пуçне 18 донор тивет. Çак цифрăсене республикăра донорлăх ыйтăвĕсене хускатнă "çавра сĕтел" хушшинче иртнĕ канашлуран илтĕм. Пире те, районти çамрăксен организацийĕн ертỹçисене, унта йыхравларĕç. Патшалăхăн хăй ирĕкĕпе юн парассине аталантармалли программăн тĕп тĕллевĕ _ донорсен йышне çамрăксене явăçтарасси. Паллах, районти çамрăксем маларах асăннă программăран аякка пăрăнмĕç. Яш-кĕрĕмпе хĕр упраç граждан тивĕçне пурнăçлассине яланах мала хурать. Хăйĕн ỹтĕнче чупакан юна чирлĕ çынпа пайлани пархатарлăх кăна мар, ку вăл _ мухтава тивĕçлĕ утăм, этем пурнăçне çăлнă паттăрлăх. Районти çамрăксене чĕнсех каласшăн: ырă ĕçрен пăрăнар мар.