Публикации » Фестивальте палăрнă

17 декабря 2008 г.

"Юмахри фейерверк" ятпа республика шайĕнче темиçе тапхăрпа йĕркеленекен ачасемпе çамрăксен фестивалĕ пирки хаçатра маларах пĕлтернĕччĕ. Раштавăн 14-мĕшĕнче Шупашкарти П.Хусанкай ячĕллĕ Культура керменĕнче вара фестивалĕн юлашки тапхăрĕ иртрĕ. Унта хутшăнса "Чи лайăх ача-пăча спектаклĕ" номинацире Вăрăмхăвари драмколлектив I степеньлĕ Диплом çĕнсе илни вара районшăн та пысăк чыс. Спектакле Вăрăмхăвасем Юхма Мишшин "Итлемен чăх чĕппи" (ертỹçи Л.Казначеева) пьеси тăрăх хатĕрленĕ. Тĕп роле калăпланă Анна Казначеева "Чи лайăх артистка" ята тивĕçнĕ. Фестивальте пысăк активлăх кăтартнăшăн районти ытти коллективсене те _ Елчĕк халăх театрĕ çумĕнчи "Сириус" студине, Елчĕкри культурăпа кану центрĕ çумĕнчи "Звездочка" ача-пăча коллективне парнесемпе хавхалантарнă.