13 декабря 2008 г.
Пĕтĕм Раççейри 2010 çулхи халăх çыравне тивĕçлĕ шайра хатĕрленсе ирттерес тесен, паллах, çакăн пирки вăхăта вăраха ямасăр тивĕçлĕ пĕтĕмлетỹсем тума кирлине ăнланатпăр. Апла пулсан, малтанхи кунсенчен тытăнсах çанă тавăрса ĕçлемелле. Халăх çыравне ирттерес тĕлĕшпе ял тăрăхĕнче йĕркеленĕ ятарлă комисси хутшăннипе çак вăхăтчен ялсенчи адрес хуçалăхне тĕрĕслесе тухрăмăр. Аншлагсене, номер паллисене инвентаризацилерĕмĕр, ял тăрăхĕнче вырнаçнă 4 клубра, шкулсенче халăх çыравĕпе çыхăннă стендсем вырнаçтартăмăр. Хальхи вăхăтра ялсенчи çуртсен, урамсен номерĕсене çĕнетессипе ĕçлетпĕр, тỹрлетỹсем тăватпăр. Çĕнĕ çулччен çак ĕçе вĕçлеме палăртатпăр. Ун хыççăнах администраципе территори тата муниципалитетпа территори йĕркелĕвĕсен переченĕпе чиккисене уçăмлатмалла, картографи материалĕсене хатĕрлемелле.