Публикации » Чĕрене ăшăтать

10 декабря 2008 г.

Ывăлĕсем тăракан çар чаçĕсенчен килекен тав çырăвĕсенчен хаклăрах парне мĕн пур-ши ашшĕ-амăшĕшĕн. Ăна вуласа тухнă хыççăн чылай амăшĕн куçĕ шывланать, вĕсем ỹстернĕ "тĕпренчĕкĕ" çĕршывшăн усăллă çын пулни чуна ăшăтать. Елчĕкре пурăнакан Валерий Николаевичпа Надежда Валерьевна Гаврушовсем те çак кунсенче Александр ывăлĕ тăракан çар чаçĕн командованийĕнчен тав çырăвĕ илчĕç. Вĕсен ывăлĕ çар тивĕçне тỹрĕ кăмăлпа пурнăçланине, çавна май командирсемпе пĕрле службăра тăракан юлташĕсен хисепне çĕнсе илнине палăртнă. Çакăн евĕр ывăл çитĕнтернĕшĕн ашшĕ-амăшне тав тунă. Çак йĕркесене вуласан камăн чĕри савăнмĕ.