29 ноября 2008 г.
"Сывлăх" наци проекчĕпе килĕшỹллĕн районти тĕп больница хальхи йышши çĕнĕ оборудованипе пуянланчĕ. 2006 çултан Раççейри Сывлăх сыхлавĕн министерстви урлă диагностика оборудованийĕсем _ электрокардиограф, флюорограф, вар-хырăма пăхакан, рентген, УЗИ аппаратсем илсе килнĕ. Çавăн пекех лабораторие те çĕнĕ оборудованипе çĕнетнĕ. Пĕтĕмĕшле илсен, мĕнпур оборудованин хакĕ _ 5,5 миллион тенкĕ. Кăçал Хĕрлĕ Хĕрес общество пулăшнипе района тата 200 пин тенке яхăн сĕтел-пукан, тĕрлĕ оборудовани килнĕ. Хирурги уйрăмĕ фанендоскоппа пуянланчĕ, туберкулез кабинетне сывлăша тасатакан хатĕр лартнă. Çавăн пекех юсав хыççăн реанимаци уйрăмне çĕнĕ оборудовани вырнаçтарчĕç. Диагностика оборудованийĕ чир-чĕре маларах палăртма пулăшать.